Jæja þá er lykilorðið komið á og því veit ég nokkurn veginn hverjir eru að kíkja hérna inn og gaman væri að fá eins og eitt komment eða svo frá ykkur
En annars veit ég ekki hvað ég á að segja...ekkert búin að vera í útlöndum eða útilegum eins og síðast þannig að maður hefur svo lítið að segja
Kíktum reyndar í bústað þar síðustu helgi og til Eyja síðustu þannig að það er svona e-ð...
hér eru nokkrar myndir af því:


Það var stuð...


Kíkt í pottinn.. MMmmm


Og dansað...uppá borðum eða gólfum

Það var soldill snjór og hálka við bústaðinn (ekkert rutt) þannig að fólki gekk misvel að komast frá bústaðnum og sumir voru alveg í 3 klukkutíma að komast burt með utanaðkomandi hjálp og rispum og dældum sem því fylgdi En það er svona að vera á sumardekkjum

Svo var æðislegt að fara heim til Eyja síðustu helgi, Binni kom með mér þannig að þetta varð hálfgerð óvissuferð fyrir hann, ég og Heidi og Leif Magnús drógum hann útum alla eyju og sýndum honum hestana hans Grétars, gáfum öndunum brauð, fórum í sund, skoðuðum uppgröftinn á húsunum undir hrauninu, kíktum á fiska og náttúrugripasafnið, og rúntuðum útum allt og fannst honum fyndið að það er hægt að keyra útfyrir bæjarmörkin í Vestmannaeyjum
Hér eru nokkrar myndir af því...


Við húsin undir hrauninu


Að gefa hestunum brauð


og hér eru það væntanlega endurnar að eta brauð


sáum skjaldbökur á fiska og náttúrugripasafninu


Hér eru þeir félagarnir komnir út fyrir bæjarmörkin og alla leið uppá stórhöfða

En svo í næstu viku er ég að fara í aðgerð á báðum hnjánum...vonandi verður það bara ekkert mál og ég verð fljót að ná mér, annars held ég að ég hafi ekki meira að segja...veriði dugleg að kommenta..bæjó

Eins og glöggir lesendur hafa jafnvel tekið eftir að þá er ég alls ekki að standa mig þessar vikurnar að blogga en þar sem sumarið er á enda og haustið og veturinn ásamt leiðinlegu veðri að taka við þá fer þetta að lagast
Síðasta sumar var ekkert spes og lítið sem ekkert gert því ég var jú á Grensás til lok Júlí svo flutti ég til Eyja eftir það og þá lofaði ég sjálfri mér að ég myndi sko nýta næsta sumar (sumarið núna) til fulls og ekki láta helgi líða hjá án þess að gera e-ð svaka skemmtilegt og ég get svo sannarlega sagt að ég hafi staðið við það!! Sumarið byrjaði hjá mér á því að ég og Hafdís skelltum okkur óvænt til Danmerkur á Celine Dion tónleikana í byrjun Júní og það er án efa hápunktur sumarsins 



Bara gaman og ógleymanlegt að fara á tónleikana

Svo á meðan ég var úti í dk ákvað hann Rúnar Gauti að skella sér í heiminn, hann var aldeilis að flýta sér þessi prins, hann er algjört æði og þvílíkt gull



Svo tóku við bíladagar á Akureyri sem var líka bara skyndiákvörðun, það var mikið af þeim þetta sumarið, nánast allt sem ég gerði var ákveðið bara einn tveir og þrír Við vorum reyndar bara eina nótt og gerðum ekkert sem tengdist bíladögunum sjálfum en það var mjööög gaman hjá okkur þrátt fyrir það

 
hahaha snild

Eftir þetta ævintýri okkar var það Tyrklandsferð nr. 1 Áfangastaður var Marmaris og váá það var svoooo gaman! Eftir tvær vikur þar var svo haldið heim allar hundfúlar yfir því að vera fara en við hétum því að fara sko aftur
Þegar ég kom heim var sko ekki slakað á heldur lagt í hann útá land og beint á Sauðárkrók Þar var heldur betur fjör að finna því þar sem Eva hjúkka er, er ekki langt í gamanið Ég lét mér ekki nægja að fara einu sinni heldur fór ég tvær helgar í röð Geri aðrir betur


       Þar var kíkt í golf!

Farið að veiða           

   Fórum í göngutúr

 djammið var að sjálfsögðu ekki langt frá 

 Og ég tala nú ekki um allt yndislega fólkið sem ég kynntist

 Þau voru öll algjör snilld

Algjörar perlur:þ 

Svo áður en ég vissi af var önnur helgi komin, ég komin uppí bíl og það var brunað beint á Akureyri. Fór í útilegu með fjölskyldunni hennar Lindu og eins og alltaf áður var rosalega gaman

Svo var komið að stóru helginni, þeirri sem ég var búin að bíða svooo lengi eftir, hinni einu sönnu þjóðhátíð Ójá, hún sveik sko engan, allavega ekki mig og þessi þjóðhátíð var sú skemmtilegasta sem ég hef upplifað Hún var í einu orði sagt ógeðslegafrábær

Eva og co 


 Ég og Sandra á Brennunni

Haha ég og Karen  

 Heidi og Leif Magnús voru með okkur

Hann var aldrei langt undan 

 Eva og gítarinn slógu í gegn

Alltaf gaman þegar rignir slatta 

Strax farin að hlakka til þjóðhátíðarinnar 2009
 
Þegar ég var búin að slaka aðeins á heima í Eyjum þá var farið aftur uppá land og skellt sér hringinn með Pabba, Grétari og Leif Magnús. Það var algjört æði
 Töffarar

 Ég og Leif Magnús að grilla sykurpúða




Feðgarnir:þ



og hér eru þeir aftur flottir saman

Svo þegar við komum heim þá hjálpuðu þeir mér að flytja, ég bý núna í breiðholti en það er bara fram að áramótum og þá veit ég ekki hvert ég fer...það kemur í ljós

Svo barabúmm skelltum við okkur á aðra tyrklandsferð hún var nú voða svipuð og hin en samt leiðinlegt núna hvað margir sem við kynntumst voru farnir heim en við gerðum bara gott úr þessu og skemmtum okkur konunglega
 
Það var skellt sér á froðudiskó!  

  hoppað í kodda

Farið á djammið 

gerðumst múslimar


dansað!!!


 og skoðað fallegustu náttúru sem ég hef séð













Við vorum án efa flottustu gellurnar á Marmaris



 Það var líka svo gaman við það að koma aftur svona stuttu seinna að það voru svo margir sem þekktu okkur og voru svo hissa á að sjá okkur aftur og það var endalaust verið að bjóða okkur velkomnar aftur

Nú er liðin vika síðan við komum heim og við erum strax byrjaðar að plana næstu ferð...getum ekki beðið
Get ekki annað sagt en að þetta sumar hafi verið frábært og alveg ógleymanlegt
Allar þessar myndir og helling meira eru á myspace-inu
En jæja, held ég sé búin að bæta upp fyrir bloggleysið og vona að þið njótið og endilega veriði dugleg að kommenta!!!

Ég er víst komin heim frá Marmaris og ætla að henda inn nokkrum orðum um það en mest verður þetta bara myndir því það er miklu skemmtilegra að skoða myndir heldur en að lesa
Við lögðum í hann eldsnemma og vorum svo fínar á því að það dugði okkur ekkert nema limma uppá völl Vorum svo eldhressastar í flugvélinni fólki til mismikillar gleði og fengum við að heyra seinna í ferðinni frá fólkinu að það vildi senda sumar okkar og ég nefni engin nöfn útá vængina og sitja þar á leiðinni og hún fékk nicknameið Gilitrutt..haha 





En svo höfðu allir svo gaman af okkur, ungir sem aldnir að þau vildu alltaf heyra sögur af því hvað við höfðum verið að gera þegar við loksins drifum okkur á fætur og útí sundlaug:þ
En það var mikið um djamm á okkur og ekkert nema bara gaman við það því þetta var sko engin slökunarferð, þannig að við upplifðum ekki mikið meira en Bar Street á Marmaris. Við fórum nú samt í Tyrkneskt bað sem var ekkert smá gott...mmm. Það byrjaði á því að við vorum skrúbbaðar frá toppi til táar svo kom froðu nudd, eftir það fórum við í sauna og svo var komið að nuddinu en reyndar hefði það mátt vera lengra en fyrir utan það var þetta alveg dásamlegt Við ætluðum svo í 4hjóla ferð en okkur var sagt af íslenskum strákum sem voru þarna að það hafi ekkert verið gaman í því þannig að við hættum við. Svo fórum við líka á tyrkneskt kvöld á hótelinu og á því var verið að sýna tyrkneska dansa og magadans og allskonar meira. Svo veit ég ekki hvort ég eigi að vera segja frá því en við fórum bara einu sinni á ströndina að degi til Það var geðveikt gaman og við vorum bara á vindsæng og flutum útum allt. Linda og Særún fóru reyndar á jet ski og fannst þeim geðveikt




 
Svo var bara drukkið kokteila í öllum stærðum og gerðum og á hótelinu var búinn til einn sem heitir Helena special og hann var frá okkur og á miðanum sem við bjuggum til með honum var íslenski fáninn og nöfnin okkar













Skemmtistaðirnir þarna voru vægast sagt geðveikir, þeir voru svo töff, engu líkt og við eigum að þekkja hérna á íslandi, á aðal dansstöðunum var ekki þak þegar maður kom inn voru alveg veggir og allt það en svo voru bara risa pálmtré miklu hærri en veggirnir og bara uppí loft Svo voru líka staðir sem voru bara úti og gatan bara teppalögð og veggirnir líka þannig að það var voða næs




Þessi var bara í einni hliðargötu

Svo voru líka froðudiskó og það var ógeðslega gaman á því







Ætla ekki að hafa þetta Tyrklandsblogg lengra. Þetta var skemmtilegasta ferð sem ég hef farið í og get ekki beðið eftir að fara aftur, við kynntumst svo mörgum þarna og við söknum allra svo. Þannig að við verðum að fara aftur og hitta alla

Svo síðustu tvær helgar er ég búin að vera á Sauðárkróki hjá Evu. Það var sko ógeðslega gaman og ekki annað hægt en að segja að þar sem Eva er þar er sko ekki langt í gamanið Það var margt skemmtilegt gert eins og td farið í sund, golf, göngutúr, dorgað og ég tala nú ekki um ball með hinum eina sanna Geirmundi Valtýrs
Fyrri helgina fórum við í ratleik, strákarnir þar kunna svo sannarlega að skemmta okkur "reykvíkingunum" haha, þeir bara skelltu í einn ratleik á smá tíma þegar við höfðum ekkert að gera 






















Ég vil bara segja takk fyrir mig Eva mín og Geirný, þetta var æðislegt
Svo eru ekki nema bara 9 dagar í þjóðhátíð Ég er orðin ekkert lítið spennt, ég fer til Eyja á föstudaginn næsta og þá kemur líka Leif Magnús:þ


Hlakka til að knúsa þennan litla orm:þ

En endilega verið dugleg að kommenta, ekkert gaman að eyða svona löngum tíma í að blogga og enginn segir neitt.

Ég hef ákveðið að læsa síðunni en þar sem ég kann ekki að hafa það þannig að e-mailið mitt komi fram svo að fólk geti fengið lykilorðið að þá set ég það hér og svo verður síðunni læst á næstu dögum, það koma nefnilega stundum yfir 70 manns á síðuna á einum degi en enginn skilur eftir komment og þá veit ég ekki hverjir eru að skoða hana. Tyrklands blogg svo væntanlegt með tilheyrandi slúðri og myndum


Valgerdure@hotmail.com!!

Ég ætla að byrja þetta blogg á að óska henni Siggu minni og Gísla innilega til hamingju með litla prinsinn þeirra:** Honum lá e-ð á að koma í heiminn og birtist 2 mánuðum fyrir tímann en öllum heilsast vel og það er fyrir öllu
Ég er ekki enn búin að sjá hann þar sem ég var í Danmörku um helgina og ég get ekki beðið eftir að fara á morgun og heimsækja þau:þ

En já þá að öðru, var í Danmörku um helgina og það var roooosa gaman. Ég og Hafdís frænka fórum saman og vorum að fara á Celine Dion tónleika En þegar við vorum búnar að panta flugið og ekkert var eftir nema að kaupa miða á tónleikana að þá kom babb í bátinn og það var orðið of seint að kaupa miðana!!! En við ákváðum að gera bara gott úr þessu og vonast til að ná að kaupa miða fyrir utan bara rétt áður en þeir byrjuðu, við vorum heldur ekki með pantað hótel og ætluðum líka bara að redda því þegar við kæmum:þ Þannið að það var lagt í hann frá Íslandi kl 1 eftir miðnætti og lentum kl korter yfir 4 á íslenskum tíma svo tók við rúmlega klukktíma bið eftir töskunum og loksins þegar þær komu að þá var kl að verða hálf 8 á dk tíma og við ekki með neitt hótel og dauuuuð þreyttar En við vorum mjög heppnar og fundum strax hótel sem var rosa ódýrt enda voru gæðin sömu og engin og hreinlætið og viðhaldið var ekki ofarlega á listanum þarna en þetta var allt í lagi þar sem við vorum þarna bara rétt til að sofa og það var stutt í allt og við meira segja gátum labbað á strikið

Svo eftir svefninn var komið að stóru stundinni og tilganginum með ferðinni, Celine Dion tónleikunum En þar sem við vorum ekki með miða heldur stóran hnút í maganum var lagt snemma af stað til að reyna redda þeim, og það fyrsta sem við sáum þegar við komum úr lestinni var stelpa sem var að selja miða, en auðvitað var þetta of gott til að vera satt og hún var bara með 1 og þar fyrir utan var hann frekar dýr þannig að við héldum áfram. Eftir langan tíma var ég eiginlega búin að gefa upp vonina og var farin að halda að ekkert yrði úr þessu en þá birtist einn maður með tvo miða í sæti og miklu ódýrari en við vorum búnar að búast við og vááá hvað við vorum glaðar Þá fyrst byrjaði spennan og tilhlökkunin, þetta voru meira að segja mjög góð sæti og ekki nóg með það að þá var sætið á móti mér laust þannig að ég gat haft rétt úr fótunum því þetta voru heimsins þrengstu raðir sem ég hef séð og þetta var þvílík heppni því það var uppselt á tónleikana!! Þessi upplifun er eins sú besta sem ég hef lent í og ég á aldrei eftir að gleyma þessu, ég á bara ekki orð til að lýsa hvað þetta var geðveikt og frábært Enda þegar fyrsta lagið byrjaði og hún labbaði inná sviðið að þá fór ég að hágráta, var samt hlægjandi í leiðinni þannig að þetta voru svo sannarlega gleðitár og ég hætti ekki að gráta fyrr enn annað lagið var að verða búið, ég bjóst samt alls ekki við að eg yrði svona en ég bara réð ekkert við þetta, þetta var svo magnað ég er líka búin að vera aðdáandi síðan ég var 10 eða 11 ára og búin að bíða leeengi eftir þessu þannig að það er kannski ekki skrítið að ég hafi verið svona

Það mátti ekki taka myndir en auðvitað stalst ég til þess en það er svo mikið súmm að þessi er soldið óskýr en svo tók ég helling af videoum

Svoooo glaðar á tónleikunum

Svo var farið á Strikið og aðeins sötrað en svo bara snemma heim því við ætluðum að vera hressar daginn eftir því það átti sko að fara versla!!!
Við byrjuðum á því að fara á strikið en ákváðum svo að fara í Field´s. Ég verð nú að segja að ég var mjögg slöpp í að versla og ég veit ekki hvort ég eigi að vera segja frá því en ég eyddi 1000 kr íslenskum í H&M!!! En Hafdís bætti það upp og verslaði vel þar þannig að það slapp

Þetta er nú samt ágætis hrúga
En við vorum 3 með þetta því Giovanna kom líka með okkur Svo um kvöldið var kíkt á djammið og við skemmtum okkur líka svona svaka vel:þ En ég nenni nú ekki að vera blogga um það heldur set bara nokkrar myndir













 
Svo fór laugardagurinn bara í slökun og við fórum aðeins á strikið en svo um kvöldið fórum við til vinkonu Giovonnu sem er íslensk stelpa en býr í köben en vorum samt frekar rólegar um kvöldið því það var heimferðadagur daginn eftir
En hótelið sem við vorum á var frekar svona subbó og við sögðum að eina sem vantaði væru kakkalakkar því það var ekki svo hreint þarna og taumar á veggjunum og svona en hvað haldiði að ég hafi fundið á gólfinu þegar við komum heim síðasta kvöldið???



ÓÓÓJJJ!!!
En þetta er komið nóg í bili og þetta var bara frábær ferð í alla staði, Köben klikkar aldrei
Ég setti myndirnar inná myspaceið mitt

Ég ætla bara að hafa þetta stutt og í tilefni þess að á morgun verður ganga gegn slysum til að minnast þeirra sem farist hafa í umferðinni og sýna samhug og samstöðu með þeim sem slasast hafa alvarlega. hún er einnig til að vekja þjóðina til umhugsunar um alvarlegar afleiðingar hraðaksturs og þess að aka bíl undir áhrifum áfengis, fíkniefna eða lyfja. Ég skora á alla að mæta því þið hafið ekkert að missa og hafið bara gott af þessu:þ

Haldið verður frá sjúkrabílamóttöku Landspítalans við Hringbraut, Eiríksgötumegin kl 16.30

 

Þá er ég komin til Eyja í enn eina læknaferðina og vonandi taka þessar ferðir enda nú í sumar þó það sé alltaf jafn gott að koma heim til Eyja að þá væri ég sko alveg til í að vera laus við að fara til læknis alltaf. En ég var farin að hlakka svaka til að koma heim núna og sjá kettlingana því þeir voru svo glænýjir þegar ég sá þá síðast að þeir voru ekki einu sinni farnir að opna augun en núna er aðeins meira líf komið í þá

        Þau eru alveg eeeendalaust sætust
Það er aldeilis líf og fjör á heimilinu núna með 3 ketti og 2 hunda

Setti inn nýjar myndir, bætti þeim inní gamla albúmið http://vallapjalla.bloggar.is/album/46626
 
Svo vorum við stelpurnar á djamminu um helgina og rákumst á Arnar sem var í Bandinu hans Bubba og við vorum að spjalla við hann í smá tíma og hann var þvílikt næs og skemmtilegur og þar sem Linda er alltaf á myndum með frægum að þá gátum við ekki annað en smellt einni af þeim saman

Svo hittum við líka Eyþór sem vann keppnina og það var ekki hægt að segja það sama um hann með það að vera næs og skemmtilegur því við hittum greinilega á hann á slæmum tíma því hann var eiginlega bara leiðinlegur verð ég að segja en þrátt fyrir það mátti hann vera að því að stilla sér upp með Lindu svo hún gætti bætt í safnið sitt



Svo styttist bara í Celine Dion tónleikana og ég er vægast sagt mjööög spennt og hlusta ekki á annað en hana þessa dagana Ekki slæmt
En jæja..verð að fara finna mig til fyrir afmæli þannig að ég ætla ekki að hafa þetta lengra í dag

Refsað fyrir að valda slysum

Héraðsdómur Suðurlands hefur dæmt í þremur málum þar sem tveir karlmenn og ein kona voru sakfelld fyrir að valda umferðarslysum með gáleysi. Karlarnir voru báðir dæmdir í 2 mánaða skilorðsbundið fangelsi og annar að auki sviptur ökuréttindum í ár en konan var dæmd í mánaðar skilorðsbundið fangelsi.

Í einu málinu var karlmaður ákærður fyrir að hafa í mars á síðasta ári ekið eftir Þrengslavegi án nægilegrar aðgæslu og varúðar og of hratt miðað við akstursskilyrði, en snjókrap var á veginum og bleyta. Maðurinn missti stjórn á bílnum, sem lenti á öðrum bíl sem kom á móti.

Ökumaður hins bílsins, ung kona, hlaut mikla áverka og hefur verið í endurhæfingu síðan. Þá er hún komin á lyfjameðferð vegna skertrar starfsemi hjartavöðvans.

Í öðru máli var karlmaður dæmdur fyrir að aka í maí á síðasta ári fyrirvaralaust út á Suðurlandsveg í Flóahreppi í veg fyrir annan bíl. Ökumaður þess bíls hlaut áverka á heila, beinbrot og aðra áverka.

Í þriðja málinu var kona dæmd fyrir að aka á gangandi vegfaranda á gangbraut á Selfossi í október. Konan, sem varð fyrir bílnum axlarbrotnaði og hlaut fleiri áverka

Svo er hægt að skoða málið í heild sinni á http://www.domstolar.is/domaleit/nanar/?ID=S200700569&Domur=4&type=1&Serial=1&Words=


Og ég minni á bloggið fyrir neðan síðan í gær

Jæja hér kemur eitt blogg í tilefni dagsins! Það er bara allt gott að frétta, pabbi var að fara til Eyja eftir að hafa verið hér í nótt og við gerðum alveg helling. Við fórum til lögfræðingsins míns og spjölluðum við hann um hvernig gengur og sonna, fórum líka á Selfoss því ég var búin að panta mér tíma í klippingu og ég er orðin algjör gella núna....hef reyndar alltaf verið það en það má alltaf bæta haha Vorum svo að vesenast helling. En hápunktur lífs míns þessa dagana er án efa Grey´s Anatomy og fara öll kvöld í að horfa á það...Lov it

En á milli þess sem ég horfi á Grey´s að þá ákváðum við stelpurnar, Linda, Hafdís og Særún að panta okkur ferð til útlanda og áfangastaðurinn verður Marmaris Tyrklandi Þetta verður örugglega endalaust gaman og mikið drukkið og mikill hiti Við verðum í 3 vikur og komum svo beint heim á þjóðhátíð JEIIIII


MMmmm... næs

Svo er það önnur utanlandsferð í bígerð en það er ferð til stokkhólms á Celine Dion tónleika 7. Júní og þá verður það ég, Hafdís, og mömmur okkar. Sú ferð verður bara stutt og komum við aftur heim 9. Júní en Celine dion tónleikar eru e-ð sem ég hef alltaf ætlað að fara á og Hafdís líka þannig að þetta verður þvílíkur draumur

Hlakka bara til

En í annað að ef það væru veitt verðlaun fyrir leiðinlegasta nágrannan á Íslandi að þá myndi ein kona hérna í blokkinni hjá mér vinna með næstum öll atkvæðin
Hún er alveg yfirnáttúrulega leiðinleg og endalaust dónaleg og hún getur gert mig snarklikkaða Ég tel mig vera vel upp alda og ég myndi aldrei rífa kjaft eða vera dónaleg við fullorðið fólk og ég ber mikla virðingu fyrir eldra fólki ( sem nágranna konan er) En þegar kemur að henni að þá gleymist sko allt þetta því annað er bara ekki hægt og ég svara henni sko 100% á móti. Þegar maður bankar uppá hjá nýja nágrannanum og hefur e-ð að segja að þá hefði ég haldið að manneskjan myndi fyrst kynna sig og segja jafnvel velkomin í blokkina og bla bla bla en nei það var ekki þegar þessi gamla bankaði hjá mér heldur var bankað heldur hressilega og ég fann alveg pirringinn í bankinu og svo er sagt "það er bannað að reykja á ganginum" þá sagði ég "ég reyki ekki"  "það er bara stranglega bannað og lyktin hér er ógeðsleg!!" "já en ég reyki ekki" Svo var bara strunsað í burtu og ég stóð þarna bara eitt spurningamerki og þetta er ekki eina skiptið sem hún hefur bannað mér að reykja á ganginu heldur hefur hún komið 3 sinnum Svo annað skipti að þá var bankað svona hressilega og ég hugsaði bara hvað nú?!! að þá segir hún "það er sko verið að ryðja bílastæðið og hafðir þú ekkert hugsað þér að færa bílinn þinn??!!!" þá sagði ég bara "ég vissi ekki að það væri verið að ryðja en jú sjálfsagt ég skal færa hann" og reyndi svona að vera kurteis en svo var ég að koma heim frá Eyjum eftir að hafa verið það í rúma viku og ég var með flugfreyjutösku, hundabúrið og stórann poka og þar sem ég er svo þrjósk að þá ætlaði ég sko bara eina ferð og tók allt í einu og plús það að þá var snjór og erfitt að labba en þá kemur elskulega gamla út á svalir hjá sér og byrjar að röfla og stend þarna útí snjónum með þvílíkan farangur og trúði ekki mínum eigin augum né eyrum að hún stæði þarna og horfði á hreyfihamlaða manneskju að reyna komast inn til sín úr kuldanum með þvílikan farangur á bakinu og færi að röfla í henni! en ég vil taka það fram að ég er ekki að vorkenna sjálfri mér eða spila mig e-h aumingja, alls ekki en fólk má taka tillit til fólks sem er ekki heilt líkamlega. En hún fór að röfla um þessar blessuðu reykingar og partý Þegar þetta var var ég ekki búin að halda neitt einasta partý svo segir hún að áður en ég kom að þá bjó maður í íbúðinni sem bæði reykti (inni) og drakk og var næstum búinn að kveikja í íbúðinni út frá sígarettu (ég vissi af því) og hann hefði nú verið meira helvítis ógeðið og að það sama væri komið aftur Þá fyrst missti ég mig og svaraði helvítis kellingunni því það kallar mig enginn helvítis ógeð og ég sagði " bíddu fyrirgefðu! en ertu að kalla mig helvítis ógeð!!" og ég var virkilega reið en þá vissi hún uppá sig sökina og snéri við og fór inn! efir það hef ég ekkert heyrt í henni fyrr en í dag að þá var ég að koma heim og pabbi var með mér og sú gamla var hérna fyrir utan e-ð að laga trén og sópa en það var ekki frásögu færandi nema pabbi kveikir sér í sígarettu og við erum bara e-ð að spjalla en sá heyrist í þessari gömlu "það er bannað að henda stubbum hérna!" Og pabbi vissi allt sem hafði gengið á hérna á undan og segir "bíddu hvar er ég??!" og hún á það til að svara ekki þegar henni er svarað á móti eins og þegar hún snéri við og fór inn en þá segi ég þegar ég stend við hliðina á henni "sko!! nú svarar hún ekki því þú svaraðir henni á móti" og hún heyrði það og vissi ekkert hvað hún átti að segja því hún stóð þarna eins og auli en þá segir pabbi "þetta er dóttir mín og þegar hún var að segja mér hvernig þú ert búin að vera að þá trúði ég því varla en þú ert svo sannarlega búin að sýna mér hvernig þú ert og þú hefur engan rétt til að koma svona fram við hana og þú hefur ekki hugmynd um hvað hún hefur þurft að ganga í gegnum og ef þú vogar þér að kalla hana aftur helvítis ógeð að þá er sko mér að mæta!" Djöfull var ég ánægð með hann þarna og hún átti þetta svo sannarlega skilið en þá sagði hún "ég hef aldrei kallað hana þessu" og reyndi að gera sig svaka næs þá leiðrétti ég hana sko og minnti hana á söguna um kallinn sem var hér á undan mér. En þá fór hún enn og aftur að tala um reykingarnar og sagði að það væri eins og búa á krá að búa hér, en þá fórum við inn og nenntum þessu sko ekki og ég ætla svo innilega að vona að hún láti mig vera eftir þetta og segi ekki eitt stakt orð við mig í framtíðinni!!
ÚFFF gott að losna við þetta og skrifa niður

En ég nenni eiginlega ekki að skrifa meir, komið nóg í bili og ætla að fara glápa á tv Bæjó

Gleðilega páska allir, hangikjötið á eldavélinni og hálf étið páskaegg hér í skálinni Gerist ekki betra
En fyrst, 17. Mars liðinn sem þýðir að ár er liðið frá slysinu. Ótrúlegt bara finnst mér, aldeilis margt búið að breytast síðan ég vaknaði á spítalanum Allt gengur bara vonum framar og  pabbi var að segja mér að í dag er dagurinn sem ég fékk fyrstu sprautuna sem var fyrsta stig í að vekja mig. Pabbi er duglegur að segja mér hvað var að gerast hvern dag og mér finnst gaman að heyra það, eins og þetta með sprautuna og þegar td var verið að undirbúa mig fyrir seinni aðgerðina. Gaman að geta fylgst með dag fyrir dag núna ári seinna Við vorum að keyra Þrengslin þegar ár var liðið og stoppuðum við þar og tókum nokkrar myndir.

17. Mars 2007

15. Mars 2008

                                                  
Talandi um slysið og batann að þá gengur bara vel, vinstri hnéð beygist núna í 130° og vantar bara 5° upp í fulla beygju þannig að það er bara frábært Hægra hnéð beygist í 72° og miðað við aukninguna frá síðust mælingu að þá verð ég komin í 90° á þjóðhátíðinni haha En bæklunarlæknirinn segir að ef ég verði heppin að þá næ ég beygjunni í 90° en samt ekki fyrr en eftir aðra aðgerð þannig að þar kom bara annað markmið og það er að ná beygjunni sjálf í 90° í Ágúst Annars er ekki meira að frétta nema bara að þetta mjakast allt og ég liðkast og liðkast hægt og rólega

En í annað að þá var ég að verða amma, já AMMA skrifaði ég því hún Milla mín var að eignast tvo kettlinga sem eru endalaust sætastir...enda ömmu börnin mín




Stolt amma



Ekkert smá sætir, lítil stelpa og lítill strákur

Ég setti inn fleirri myndir á http://vallapjalla.bloggar.is/album/46626 
Einhver hugmynd um nöfn???

Tja... hvað get ég sagt?.... ekki humgmynd Búið að vera hellingur að gerast en svona það helsta er að ég er að vinna verkefni með Vís sem verður farið með í framhaldsskólana, ég og fleiri einstaklingar sem hafa lent í alvarlegu bílslysi eru með í þessu verkefni, við erum bara nýbyrjuð þannig að þetta er ekki alveg komið í gang en það sem ég er búin að gera er að finna myndir af mér fyrir slysið sem bara venjulegur unglingur að lifa lífinu og svo myndir af spítalanum og endurhæfingunni. Þetta verður video og verður tekið upp viðtal við mig og líklegast förum við í þrengslin þar sem slysið var og tökum upp þar líka svo koma ljósmyndirnar inná það líka, svo verða myndir af mér í bílnum á slysstað og konan sem er að sjá um þetta fékk einmitt eina mynd frá rannsókna deild umferðaslysa til að sýna mér og það tók helling á að sjá hana og þetta var samt ein skársta myndin en ég fæ að velja myndir sem fara í þetta þannig að það verður ekkert þarna sem ég vil ekki að aðrir sjái. Svo er meira að segja til video af þessu öllu en ég er ennþá að ákveða hvort ég hafi taugar í að sjá það En það er nú bara gaman að gera þetta verkefni og ekkert nema sjálfsagt að gera allt sem ég get til að koma í veg fyrir alvarleg slys og vonandi hafa krakkarnir í skólunum e-ð til að hugsa um þegar þau eru búin að sjá þetta

En annars er ekki mikið að gerast svona sem er skemmtilegt að blogga um... bara alltaf að gera það sama og sjúkraþjálfun og allt það.

Var áðan heima hjá Ólöfu sem er vinkona mín frá Þórshöfn og þar voru nokkrir Þórshafnarkrakkar Alltaf gaman að hitta þau en synd hvað við erum í litlu sambandi en vonandi fer það að vera meira Komin 10 ár frá því að ég bjó þar VÁÁ!! Ætlaði sko að fara þangað á hverju sumri frá því að ég flutti og hvað haldiði að ég sé búin að fara oft??? ALDREI! Verð að bæta úr því og hver veit nema maður skelli sér þangað í sumar

En í gær fórum við í bústað í svignaskarði, það var bara skyndiákvörðun, hittum vini Hafdísar og Lindu og þeir voru að fara og buðu okkur að koma og áður en við vissum af vorum við bara rétt hjá Borganesi í sumarbústað og það var sko aldeilis breytt plan frá því fyrr um daginn Það var helvíti gaman og við fórum ekki að sofa fyrr en tíu um morguninn og þá vorum við nýkomin uppúr pottinum...aldeilis hressandi að fara í pottin kl 8 um morguninn

                                                                    Sko mig! uppá háalofti

Morguninn eftir, ferskleikinn í fyrirrúmi

Svo eftir lítinn svefn fórum við í Borganes og fengum okkur að borða og stelpurnar voru eldhressar


En það entist ekki lengi hehe

En svo var ég að fá mér hund...hún er algjört æði og heitir Dimma Grimma Kjullubangsi en þið megið kalla hana Dimma Hún er þvílíkur kúrari og algjört æði. Hún eltir mig útum allt hús og hún verður alltaf að vera þar sem ég er sama þó að einhver annar sé hérna og þegar ég er uppí sófa að þá kúrir hún og kúrir Og þegar ég skil hana eftir heima þá verður hún sko ekki sátt og þegar ég skil hana eftir með einhverjum þá vælir hún þegar ég er           farin


Svo er ég að fara til Eyja á morgun því það er verið að fara sprauta bílinn minn, já nýja bílinn minn Hann var lyklaður um daginn og ég var sko ekki sátt!! Veit ekki hvað ég verð lengi, en nokkra daga allavega. Er þá að fara til hjartalæknisins í leiðinni og vonandi kemur allt vel út í því

En jæja held þetta sé komið gott í bili...heyrumst

Ég er alltof slöpp í þessu bloggi, verð að fara bæta úr því En héðan er bara allt gott að frétta, hægra hnéð alltaf að verða betra og beygjan mjakast hægt og rólega. Sjúkraþjálfarinn mælir beygjuna á ca. 5 vikna fresti og hún hefur verið að aukast ekki nema 2-3° en í mælingunni eftir jól var hún búin að aukast um heilar 10° sem er ekkert smá flott Þannig að beygjan er komin í 65°. Læknirinn segir samt að ef ég verði heppin að þá næ ég því í 90° en það er þó ekki fyrr en eftir aðra aðgerð að brjóta þetta upp, ég er ekki nógu sátt við það og ætla auðvitað að afsanna þetta hjá honum Vinstra hnéð fer í svona 110-115° sem er miklu skárra en 90°.

Ég hef alltaf sett mér markmið og það fyrsta var að fara labbandi á þjóðhátíð og það gekk líka svona glimrandi vel eftir og annað var að vera hætt að nota hækjurnar þegar snjórinn kæmi og auðvitað tókst það og þriðja var að vera dansandi á þorrablótinu og það var síðasta laugardag og hvað haldiði?? Jú jú ég dansaði alveg helling Þannig að nú er bara komið nýtt markmið og það er að beygja hægra hnéð meira en 90° er samt ekki búin að tímasetja það en það kemur seinna

Þetta eru svona helstu fréttirnar svona heilsulega en aðal fréttin er að Sigga og Gísli eru bara að koma með eitt Ég er ekkert smá spennt en hún á að eiga í byrjun ágúst þannig að ég hringi bara beint úr dalnum og sendi henni kveðju Þau eru með síðu og hún er http://barnaland.is/barn/70145/ 

Svo var hann Leif Magnús að fara til Noregs eftir að vera búinn að vera hjá okkur síðan fyrir jól en hann, pabbi, Sigga og ég fórum að gefa öndunum brauð áður en þeir fóru út og það er alltaf jafn gaman

Já þá er komið nýtt ár, það leggst bara vel í mig enda ekki annað hægt Það má segja að síðasta ár hafi verið soldið sérstakt, já enda var það alls ekki eins og ég var búin að plana það. Ætlaði sko aldeilis að lifa lífinu, kláraði skólann, ætlaði að drífa í samningnum, taka sveinsprófið um leið og samningurinn væri búinn, fara til spánar og ég tala nú ekki um allar útilegurnar og djammið sem átti að stunda um sumarið. Þetta var fljótt að breytast, heldur betur. En maður tekur bara því sem manni er lagt fyrir hendur og gerir það eins vel og maður getur

En annars var þrettándinn haldinn í gær og þetta var ekkert smá flott, tröllin, jólasveinarnir, álfarnir og flugeldasýningarnar. Ég kíkti þangað sem skrúðgangan byrjaði því þangað komu tröllin og allt byrjaði þar en svo þegar mamma og Leif Magnús fóru í skrúðgönguna keyrði ég til ömmu og afa og horfði á allt í gegnum eldhúsgluggann hjá þeim

Svo í gær var líka haldið grímuball og ég fór með Leif Magnús og það var bara helvíti gaman Hann var sjóræningi og algjör töffari

Svo var ég í Eyjum um jólin og áramótin og það var mjög fínt að vera hjá mömmu og pabba í algjörri þjónustu og dekri Á áramótunum fór ég með Erlu frænku á ball og það var bara mjög gaman, kíktum aðeins í party fyrst og þetta var bara fínt

Að fylgjast með sprengjusérfræðingunum

Svo fer ég heim á morgun, komið fínt í bili hér í Eyjum. Alveg kominn tími á sjúkraþjálfun og þessu venjulegu rútínu Kem svo aftur til Eyja í enda janúar því ég er að fara í afmæli hjá litla skriðdýrinu á heimilinu sem er að verða 5 ára, hann spyr á herjum degi "er ég 5 ára í dag?" litla krúttið og svo þarf ég að fara til hjartalæknisins, fór til hans núna á milli jóla og nýárs í tékk og blóðprufu og þetta ætlar víst aldrei að enda því bólgurnar í kringum hjartað eru búnar að aukast örlítíð en hann hafði nú engar áhyggjur af því en lét mig á nýtt lyf sem ég þarf að vera á í einhverja mánuði og vonandi fer þetta að lagast, finnst vera komið alveg nóg. Þannig að núna er ég á 2 lyfjum bara útaf hjartanu

Svo var ég að setja inn myndir á síðuna mína http://vallapjalla.bloggar.is/album/43851 og svo eru myndir frá pabba á sudurland.is http://www.sudurland.is/?p=300&gal=38019 og http://www.sudurland.is/?p=300&gal=38115

Þar sem ég sendi engin jólakort því ég ákvað að fara auðveldu leiðina þetta árið að þá kemur það hér Og þetta er til ykkar allra:*

GLEÐILEG JÓL OG GOTT FARSÆLT KOMANDI ÁR

VONA AÐ ÞIÐ EIGIÐ ÖLL EFTIR AÐ EIGA FRÁBÆR JÓL

OG PASSIÐ AÐ ÉTA EKKI YFIR YKKUR ÞVÍ ÉG VEIT AÐ ÉG Á EFTIR AÐ GERA ÞAÐ

SVO VIL ÉG LÍKA ÞAKKA FYRIR ALLAN STUÐNINGINN, KVEÐJURNAR

OG HJÁLPINA SEM ÉG FÉKK FRÁ YKKUR ÖLLUM.

ÞIÐ ERUÐ FRÁBÆR OG ÁN YKKAR HEFÐI ÞETTA VERIÐ VIRKILEGA ERFITT

SJÁUMST SVO HRESS Á NÝJA ÁRINU

KV. VALGERÐUR ERLA

Jæja þá er ég loksins komin með netið og heimasíma Náði reyndar ekki að redda því sjálf eins og ætlaði að gera heldur þurfti maður frá fyrirtækinu að koma og gera þetta fyrir mig, og það eina sem var að að það var allt vitlaust tengt Ekki mér að kenna samt En allavega þá er þetta komið

En já ég var hjá lækninum í Eyjum og hann sagði að vökvinn væri farinn en samt eru ennþá svolitlar bólgur og ég fékk bólgueyðandi við því en það sem var ekki svo gott er þetta ör sem er á svona 10% af hjartanu og þar sem örið er virkar ekki hjartað þannig að semsagt 10% af hjartanu mínu virkar ekki þannig að ég er á hjartalyfi líka sem hjálpar hinu 90% að vinna, þetta er nú meira vesenið

En já soldið skondið....eða kannski ekki en aldrei þessu vant skellti ég mér útá lífið á laugardaginn og það gerist nú ekki oft þessa dagana en allavega þá vorum við á Sólon og voða gaman bara eða þangað til að mjög pirraður og leiðinlegur dyravörður verð ég bara að segja kemur og gjörsamlega fleygir mér út fyrir að vara reykja inná staðnum Já ég sem reyki ekki einu sinni Ég neitaði auðvitað en þessi pirraði og leiðinlegi segir mér að ekki einu sinni vera reyna neita þessu því hann sá sko alveg glóðina og fann reykingalyktina. Váá ég varð ekkert lítið pirruð og til að toppa þetta var grenjandi rigning úti, þannig að ég nennti þessu nú ekki og fór bara heim En byrjunin á kvöldinu var mjög skemmtilegt þannig að fyrir utan þetta    skemmti ég mér bara mjög vel

Og svo er aðal fréttin að ég er hætt að nota hækjurnar Veiii nema reyndar ef ég fer í kringluna eða smáralind því það er svo svaka mikið labb. En nota þær ekkert ef ég fer td í búð eða heimsókn eða e-ð Ég er ekkert smá ánægð með það og er að rifna úr stolti Og er líka svo ánægð því núna er fólk ekkert að víkja eða passa sig því það veit ekkert að það er e-ð að, þannig að það er æði að vera bara eins og hver annar

Held það sé ekki meira eins og er þannig að ég segi bara bæbæ og heyrumst

..hehe